Qurani-Kərim əhdinə vəfa etməyənlər barəsində buyurur: "Həqiqətən, öz əhd-peymanları və andları(nı - dini qəbul etmək barəsində olan əhd-peymanlarını və haqqa kömək üçün olan andlarını pozmaq) müqabilində ucuz bir qazanc (vəzifə və mal) əldə edən kəslərin axirətdə bir payları yoxdur. Həmçinin Allah onlarla danışmayacaq, Qiyamət günü onlara (rəhmət) nəzər(i) salmayacaq, onları paklaşdırmayacaq və onlar üçün ağrılı bir əzab olacaqdır”. ("Ali-İmran” 77).

Bu mübarək ayə əhdi pozanları gözləyən beş əzabı bizlərə tanıtmışdır.

1. Axirətdə bəhrəsiz qalmaq.

2. İlahi xitabdan məhrum qalmaq.

3. İlahi lütfdən məhrum olmaq.

4. Günahın pak olmasından məhrum olmaq.

5. Ağrılı əzaba düçar olmaq.

Həzrət Peyğəmbər (s) buyurur: "O kəs ki, əmanətə riayət etməz və o kəs ki, əhdinə vəfa etməz – dinsizdir”. (Tebyan)

Həzrət Rəsuli-Əkrəm (s) başqa yerdə buyurur: "Hər kim and içərək qardaşının mal və sərvətini haqsız yerə yeyərsə, İlahi qəzəbə düçar olar”.

İmam Əli (ə) buyurur: "Qiyamət günü Allahın nəzər salması deyildikdə, məqsəd rəhmət nəzəridir”. (Nəinki gözlə nəzər salmaqdır).

İnsanın Allaha yaxınlaşma mərhələsi tədrici olar.

- Əvvəl bəzi mənəvi nemətlər ona şamil olar.

- O zaman ki, yaxınlaşar, Allah sanki onunla söhbət edər.

- Bir az da yaxınlaşan zaman Allah ona rəhmət nəzəri salar.

- Bir qədər də yaxınlaşan zaman günahın büdrəmələrindən onu pak edər.

- Nəticədə bu insan İlahi əzabdan nicat tapar və İlahi nemətlərə qərq olar.

Ancaq o kəslər ki, əhdlərini yerinə yetirmirlər, bütün bu nemət və bərəkətdən məhrum olur və İlahi əzaba düçar olurlar.

Ona görə də əhdə vəfalı olmaq və yalandan and içməmək lazımdır.

/Deyerler.org/

www.ehlibeyt.info